Benvidos ao Blog de Dinamización Lingüística.
Este blog utilízase para divulgar traballos,compartir ferramentas e dar a coñecer as nosas actividades, todas elas deseñadas para potenciar o uso do galego
O mércores, 30 de novembro celebrouse o Samaín no Laxeiro. Bruxas, meigas, esqueletos e mortos vivientes invadiron o Laxeiro. Todos puideron "Tocar o medo" nas Caixas dos sentidos cheas de terribles texturas. Polo visto, daba noxo meter a man.
Os medos puidéronse enviar o máis lonxe posible dentro da Caixa de correos de Medo.
Pero non sen antes merendar sabrosos ollos de sapo, doces morcegos ou deliciosos dentes de rato.
Ademáis o alumnado nas aulas fixeron traballos de investigación sobre as tradicións galegas destas datas.
O resultado dos estudos foron plasmados en murais informativos.
Damos a benvida ao curso 2024/2025 cun traballo colaborativo no Día Europeo das Linguas. Que mellor ocasión para trasladar ao noso alumnado a importancia da aprendizaxe de diferentes idiomas, como vehículo para acadar novas oportunidades! Aproveitamos a conmemoración para que os nenos e as nenas se vaian concienciando da riqueza que supón ter unha lingua propia como seña de identidade dun pobo.
Nas clases, o alumnado tivo a oportunidade de coñecer palabras noutros idiomas. Decoraron a palabra benvidos e benvidas en distintas linguas e colocáronas nun mural para dar visibilidade ao 26 de setembro, Día das Linguas Europeas.( Alumnos e alumnas deron a benvida en diferntes idiomas.)
Un ano máis, alumnado de Primaria realizou unha viaxe á vila
de Padrón para visitar a Matanza, lugar onde Rosalía pasou o últimos anos da
súa vida.
Esta excursión tivo como novidade a visita ao Concello de Padrón invitados
polo propio alcalde, Anxo Rei Arca, grazas á mediación da mestra de infantil
Isabel García, padronesa de nacemento e viguesa de adopción. Ela interveu para
que o alcalde de Vigo se implicara na visita e enviara unha misiva, a través
dos nenos e nenas do Laxeiro, ao seu homólogo padronés afianzando ligazóns entre os dous concellos.
Foron recibidos e recibidas con moito agarimo pola concelleira
de Educación e cultura e polo propio alcalde que lles ensinou o despacho da alcaldía e o salón de plenos. Foi neste espazo onde Rey Arca, moi amablemente,
lles explicou aos nenos e as nenas o funcionamento da administración local e o xeito democrático de
acceder ao goberno. O alumnado escoitouno con moita atención e entregoulle a carta
do alcalde de Vigo, xunto cuns pequenos agasallos (libros e unha bandeira da
cidade). Pola súa parte, o de Padrón, agradeceu a visita e correspondeu
regalando uns libros que serán enviados ao Concello de Vigo.
Foi así como
o noso alumnado actuou de mediador entre as dúas autoridades como pasos previos a un hipotético irmandamento
entre as dúas localidades. Á fin e cabo, en Vigo veu a luz a primeira edición de Cantares gallegos.
Como anécdota da viaxe, un grupo de xubilados invitou aos nenos e nenas do Laxeiro a participar no xogo da Chave, o que dá fe da amabilidade dos habitantes de Padrón.
Esta viaxe está financiada pola Deputación de Pontevedra. Dende este recuncho queremos agradecer esta iniciativa cultural.
Maio está a ser un mes de contacto estreito coas emocións no
Laxeiro. As tradicións e a cultura do noso pobo atraen ao alumnado dun xeito
especial. As cancións, bailes e poesías galegas arranca
neles un sentimento de benestar, entusiasmo e ledicia. Nesta liña titulamos
este mes como o MES DAS EMOCIÓNS,
pois o feito de que as plantas reverdezan e os días sexan máis longos, implica
unha mellora no ánimo de todos e todas.
O bo humor coincide coa preparación da celebración do Día das Letras Galegas 2024, que achega ao colexio un ambiente de cultura, luz e cor.
Adornamos as entradas con traballos plásticos que imitan aos xardíns. O mural principal está adicado a Luisa Villalta, escritora coruñesa
homenaxeada nas Letras Galegas 2024. Nas clases confeccionáronse flores de
papel, cada unha delas representa unha emoción.
Estes traballos de aula
relacionados coas emocións pretenden que o alumnado recoñeza estes sentimentos. Este recoñecemento é o paso previo para xestionar as habIlidades sociais de xeito intelixente e positivo.
Os nenos e nenas preparan con moita ilusión o Faladoiro das Letras Galegas, están a ensaiar o recitado da poesía de Villalta, poemas musicados adicados ao maio e moitas actuacións máis das que gozaremos neste festival virtual.
Para estudar a figura de Luisa Villalta, o profesorado está traballar nas aulas a importancia da celebración do Día das Letras Galegas con recursos como os carteis conmemorativos da vida e obra desta autora enviados aos centros dende a Secretaría Xeral da Lingua (SXL); e outros que aparecen nestas ligazóns.
No 2022 a Real Academia Galega de Belas Artes homenaxeou a Laxeiro, o pintor que da nome ao noso colexio. Aquel ano adicamos gran parte do noso traballo a resaltar a figura do prestixioso artista. Desde entón, temos en conta as propostas da devandita Academia para introducir ao alumnado no coñecemento da arte galega.
Este ano o artista homenaxeado é o grande escultor Francisco Asorey. As súas fermosasobras pódense admirar en moitas cidades e vilas galegas. Deste xeito, os seus traballos locen maxestuosos nas rúas e prazas de Cambados, A Coruña, Vigo, Ourense ou Santiago de Compostela,
Nado en Cambados, no ano 1889, pronto destacou polas súas habilidades artísticas. Foi enviado a estudar a Barcelona e a Barakaldo (Biscaia) onde exerceu de profesor de debuxo e montou un importante obradoiro. Trasladouse un tempo a Madrid pero pronto regresou á súa Galicia natal; esta vez a Santiago de Compostela, onde morre en 1961. Na capital, ademais traballar nun obradoiro propio, exerceu de profesor anatómico forense na facultade de Mediciña. Foi un escultor absolutamente galego; a súa obra destaca polo gusto polo popular e a tradición da cultura galega.
Os nenos e nenas de 3º curso de Ed. Primaria puideron apreciar con asombro o Monumento a San Francisco na súa viaxe a Santiago de Compostela con motivo dos Encontros do programa 21 Días co Galego e máis. Foi entón cando quedou pendente o estudo da vida e obra de Asorey nas aulas. Aproveitando a conmemoración do Día das Artes en Galicia, o 1 de abril, achegáronse con moito interés á traxectoria escultórica de Asorey. Por parellas, elixiron as esculturas que máis chamaron a súa atención fixeron representacións plásticas das mesmas.
Os traballos foron recompilados nun mural conmemorativo para destacar a figura do artista. Na montaxe que aparece a continuación pódense apreciar estes traballos.
Un grupo de nenos e nenas de 3º de Educación Primaria interpretaron a canción de Amancio Prada con letra do poema de Rosalía Adios ríos, adios fontes para visualizala nas aulas.
En Ed Infantil estanse a realizar traballos na honra de Rosalía como é o caso destes fermosos murais.
Ademais. na Biblioteca estase a realizar unha recompilación de soños para Rosalía para realizar a exposición: "24 soños para Rosalía" feitos por alumnado de Primaria.
O Equipo de audiovisuais está a preparar un Chatterpix sobre a vida da autora.
Ao longo da mañá, se o tempo o permite, farase un rego simbólico da roseira que hai no horto en lembranza deste día.
Tamén se poden facer traballos plásticos para que o alumnado leve para a casa, como esta tarxeta.1
O mércores, día 21, viaxamos a Santiago de Compostela para asistir a un Encontro organizado polo Programa 21 Días co Galego e máis. O evento foi no auditorio, no edificio Fontán, na cidade da Cultura. Acudimos alumnado e profesorado procedentes de 10 centros educativos de toda Galicia. Todos levamos unha actuación representativa do Colexio. Resultou fantástico. Houbo unha grande variedade de interpretacións: actuacións musicais, danza, monicreques, ata un desfile de Entroido e un concurso.
Pola nosa parte, enviamos uns pandereteiros que deleitaron ao público con tres cantigas que resoaron de marabilla.
Aproveitamos a viaxe para facer a nosa particular homenaxe ao Apóstolo.
.jpg)