NOVEMBRO, MES DA CIENCIA EN GALEGO

Ao longo do mes de novembro o alumnado adica parte do seu tempo a actividades específicamente científicas. Neste senso  organizaronse charlas, obradoiros e traballos 

CHARLA  : "EFECTOS DO CAMBIO CLIMÁTICO NA RÍA DE VIGO"

 Poñente: José Fernández Babarro, investigador do Instituto de Investigacións Mariñas de Vigo e pai dunha alumna deste centro. 

O pasado venres, día 18, o científico achegouse ao colexio para impartir unha charla en tres sesións aos nenos e nenas de 4º,  5º e 6º  de Primaria. A conferencia versou sobre a importancia do fitoplacton na calidade da alimentación dos seres mariños da nosa ría; por iso, calquera cambio na temperatura da auga do mar pode ter consecuencias graves para a vida mariña. O placton muda co quentamento da auga e isto obriga ás especies que se alimentan del a marchar ou a adaptarse. Ademais, estas algas microscópicas que habitan na superficie dos océanos teñen moita importancia na absorción do dióxido de carbono e na liberación de osíxeno a atmosfera. 

Falou da importancia do uso dos mexillóns  como alimento e en odontoloxía, onde usan o coláxeno producido por esta especie para obter materiais. 

A poñencia resultou moi interesante e didáctica para o alumnado.

OBRADOIRO  MATEMÁTICO

    Os estudantes de 5º de Primaria participan nun Proxecto da UVigo chamado "Te lo cuentan las matemáticas" que pretende estimular as vocacións matemáticas entre o alumnado. 

TRABALLOS MONOGRÁFICOS

Como cada ano, nas clases, se adica tempo a estudar o labor do científico ou científica galega do ano. Este ano a personalidade homenaxeada é o veterinario,Juan Rof Codina. Nado en Prat de Llobregat(Barcelona) en 1874, estudou a carreira en Madrid e foi destinado a Lugo, onde o seu traballo deixou unha fonda pegada na Galicia rural de inicios do século XX. Montou unha clínica veterinaria en Lugo, a primeira de España. Foi un estudoso e impulsor das razas gandeiras autóctonas de Galicia, o porco, a pita de Mos, pero dobre todo do gando vacún. Grazas ao seus traballos, hoxe gozamos da raza Rubia Galega. 

Contribuiu a modernizar o sector agropecuario e á difusión do concepto de asociacionismo entre os gandeiros galegos . Para o alumnado é unha honra homenaxear a personalidades coma Rof Codina que axudaron a Galicia a sair do atraso e a precaridade de épocas pasadas.

Tamén se fixeron outros estudos monográficos sobre diferentes científicos e as súas aportacións ao campo da ciencia.

SALA DE EXPERIMENTOS

 

     Montouse unha sala de experimentos onde puideron pasar os nenos e as nenas de todos os cursos para realizar sinxelos esperimentos: auga de cores, pintura máxica, o globo que incha só, ou unha lámpada con pila...

SELECCIÓN FONDOS DE TEMÁTICA CIENTÍFICA NA BIBLIOTECA