PROGRAMA RECÍCLATE CON SOGAMA
O alumnado de 4º de Ed. Primaria atendeu con moito interese ás detalladas explicacións de Cristina representante Sociedade Galega de Medio Ambiente (SOGAMA). O encontro foi programado para educar á poboación máis nova no coidado do medio ambiente concretamente dando a coñecer técnicas de separación do lixo para a xestión sostible de residuos urbanos.
Cristina explicou tamén que ademais da importancia dos tres ERRES (Reducir, Reciclar e Reutilizar), para conservar o planeta hai que engadir outro máis referido á recuperación enerxética.
Por outra banda, repasou o uso dos contedores e que colector usar segundo o residuo a verter (vidro, cartón, papel, etc.). Rematou xogando cos nenos e nenas a un divertido Trivial Ecolóxico; un animado xeito de aprender.
ESTA ACTIVIDADE ENMÁRCASE NO PROXECTO ANUAL DE CENTRO: "ECOLAXEIROS NAS NUBES" que versa sobre as consecuencias do quentamento climático. O obxectivo principal deste proxecto é concienciar ao alumnado sobre os perigos da subida de temperatura para a vida na Terra e a necesidade de coidar o medio ambiente para evitar esta deriva.
Na clase os rapaces e rapazas elaboraron resumos da charla nos seus cadernos.
Ningún comentario:
Publicar un comentario